საქართველოს მოსწავლე-ახალგაზრდობის ეროვნული სასახლის ლექტორიუმში სასახლის მეთოდური სამსახური და ფსიქოლოგიის კაბინეტი ჩაატარებს საუბარს სასახლის პედაგოგებთან თემაზე "აგრესიული, ჰიპერაქტიური, მატყუარა ბავშვები და მათთან ურთიერთობის სტრატეგიები".

საპატრიარქოს ტელევიზია „ერთსულოვნების" დილის პროგრამა „განთიადში" გავა სიუჟეტი, მომზადებული მოსწავლე ახალგაზრდობის ეროვნული სასახლის მედიასტუდია „დროს" ჟურნალისტის მარი ბეგიაშვილის მიერ, სიუჟეტი ეხება ხატვისა და ფერწერის კაბინეტის წრის მუშაობას.

საქართველოს მოსწავლე-ახალგაზრდობის ეროვნული სასახლის ეკოლოგიისა და გარემოს დაცვის კაბინეტში ჩატარდება ალექსი არაბულის წიგნის "ჯიხვთა ბილიკები საქართველოში" პრეზენტაცია.