სასახლის თეატრალურ დარბაზში გაიმართება საღამო _ საფორტეპიანო დუეტი, სადაც სასახლის მევიოლინეთა ანსამბლი „სი-მი" (ხელმძღვანელი ლენა ცარციძე)  ქართველ ნიჭიერ შემსრულებლებთან ერთად - „Nini & Tini" შეასრულებს სხვადასხვა მუსიკალურ ნაწარმოებებს.

სასახლის ლექტორიუმში კომპიუტერული სტუდია მართავს პედაგოგთა შეხვედრას მათემატიკის დამხმარე სახელმძღვანელოს ავტორებთან.

შეხვედრაზე პრაქტიკოს მასწავლებლებსა და წიგნის ავტორებს შორის შედგება თანამშრომლობა, რომელმაც ხელი უნდა შეუწყოს, როგორც მასწავლებლის საქმიანობას, ასევე სახელმძღვანელოების შემდგომ გადამუშავებას პედაგოგების აზრის გათვალისწინებით.

მოსწავლე ახალგაზრდობის ეროვნული სასახლის ამერიკულ კუთხეში ავიაკვირეულის ფარგლებში ჩატარდება შეხვედრა ცნობილ ავიატორის ალექსანდრე ქართველის (ქართველიშვილი) საერთაშორისო საზოგადოების (ISAKK) წარმომადგენლებთან. ნაჩვენები იქნება დოკუმენტური ფილმი ალ. ქართველიშვილის ცხოვრებისა და მოღვაწეობის შესახებ.

დასწრება თავისუფალია, 
გთხოვთ გვეწვიოთ !