28 ნოემბერი 2016 წ.

27 ნოემბერს მოსწავლე - ახალგაზრდობის ეროვნული სასახლეში გაიმართა შოთა რუსთაველის დაბადებიდან 850-ე წლისთავისადმი მიძღვნილი კონფერენცია ,,ვეფხისტყაოსანმა" გაგვაერთიანა" სასახლის კაბინეტების მოსწავლეების მონაწილეობით, რომლებმაც პოემის სხვადასხვა ასპექტი, მისი მრავალფეროვანი სამყარო წარმოაჩინეს. მოსწავლეებმა გამართეს პრეზენტაციები, წარმოადგინეს საინტერესო ნაშრომები პოემის ლიტერატურულ, ისტორიულ, გეოგრაფიულ, საბუნებისმეტველო, ფსიქოლოგიურ მახასიათებლებზე: „შოთა რუსთაველის პერიოდის ისტორიული ეპოქა", „პოემის სიბრძნისმეტყველება", „რუსთაველი და ასტრონომია", „მათემატიკა ვეფხისტყაოსანში", „ფლორა და ფაუნა პოემაში", „ვეფხისტყაოსნის მთარგმნელები", „დადიანისეული ვეფხისტყაოსანი - ილუსტრაციები" და ა.შ. კონფერენციაში მონაწილეობდნენ ასპინძის პირველი საჯარო სკოლის მოსწავლეები. 
კონფერენციის მონაწილეებმა წაიკითხეს ფრაგმენტები პოემიდან. გაიმართა სახვითი და გამოყენებითი ხელოვნების კაბინეტის მოსწავლეების ამ თემატიკაზე შექმნილი ნამუშევრების  გამოფენა. მონაწილეებს გადაეცათ სასახლის დიპლომები, საჩუქრები ფონდ „იავნანასგან". 
პროექტს ახორციელებენ სასახლის ქართული ენისა და ლიტერატურის  და სასწავლო-შემოქმედებითი პროექტების  კაბინეტები. 
აღსანიშნავია, რომ იუნესკომ 2016 წელი შოთა რუსთაველის წლად გამოაცხადა,